星座DreamCar逐个捉
虽然系香港唔系人人有车，不过就有不少人系爱车人士，每个人系心目中都有自己0既DreamCar，想知边种车同边个星座最夹，就等卜卜星同你卜一卜！
白羊座
白羊比较喜欢娇小玲珑0既车，例如曾经大受欢迎、一街都系0既万事得121那种细细部，又几Cute0既车就最得白羊0既欢心。另外佢地钟意放一排公仔系车头同车尾做装饰。
金牛座
跑车系金牛既至爱，不过佢地就有点怪，因为佢地唔多欣赏开蓬0既跑车，所以波子依类车就唔多0岩佢地，而SkylineGTR、Benz500SL同埋Honda0既NSX就同佢地最夹。
双子座
同双子夹既车都几特别，因为衬佢地0既竟然系四驱车，不过就千祈唔好就咁以为佢平平无奇，四驱车原来都有双子表里不一0既特点，故你要对得佢耐先会慢慢发觉佢不为人知既优点。
巨蟹座
巨蟹都几好高慕远，佢地钟意RollsRoyce、Ferrari、Benz依D名牌车，虽然依类车的确好靓又好多人钟意，又系好多人0既DreamCar，之但系有几多人可以拥有依D车丫。
狮子座
狮子同金牛刚刚相反，佢地好钟意开蓬0既车，当中又以保时捷为佢地0既至爱，不过香港0既空气咁鬼差，除非你钟意食尘啦！唔系有架开蓬车都冇用武之地啦！
处女座
处女系拣车方面都几审慎，佢地会因应自己0既需要来衡量自己应该买乜车，价钱要抵之余更会左计右计，所以综观来说日本车同佢地就最夹。
天秤座
天秤0既人好讲感觉同埋第一眼睇落去0既观感，佢地好享受驾驶时0个种感觉，所以如果讲DreamCar佢地会首选欧洲名厂0既棍波车，贪佢手感一流同埋马力够丫嘛。
天蝎座
电单车对天蝎座来说有种独特的慑人魅力，使他们不经意地爱上它。电单车系香港可以话系比一般车辆更方便0既代步工具，唔洗点揾地方泊车依个好处就正正符合晒怕麻烦0既天蝎啦！
射手座
射手座同怀旧味道十足的车都几衬，例如Jeep仔、积架依类车就非常适合射手。而他们本身亦都几钟意具时代感的车，其实最紧要系够突别，可以话系新旧都0岩，唯独怕平凡。
摩羯座
实实在在系摩羯0既写照，佢地会比较喜欢实用性较重既家庭豪华大房车，载得多人之余又坐得舒适自在。虽然跑车先系佢地至爱，不过佢地嫌跑车唔够实用，故大多都钟意前者多D。
水瓶座
房车同水瓶可谓相当之夹，其中又以Benz、BMW7系同埋凌志依类车身较长、马力又强同埋车内空间较宽敞0既车最0岩佢地心水。
双鱼座
双鱼对车0既要求都唔算好高，总之行得就已经可以，但系佢地对车内0既摆设同布置就相当重视，佢地会将好多小饰物放系架车度，务求尽量同部车扮到靓一靓。